Sa mga salita pa lamang niya
Ang dali niya akong maliitin
Sa mga salita pa lamang niya
Kayang-kaya niya akong durugin
Ang bawat kibot ko laging binabantayan
Ano mang gawin ko laging may kulang
Nakatanghod sa kanya hindi kami pantay
Sa palad niya ako’y hinihimay
Magkahalong takot at kaba ang nararamdaman
Sa anino niya’y hindi ako nasisikatan ng araw
Wala akong araw
Sa mga salita pa lamang niya
Kahit na pabulong nakakalatay
Tenga man ay takpan
Naririnig pa rin anim na taon
‘Di na ko nasanay
Sa mga salita pa lamang niya
Ako’y pinapasa
Sa mga salita pa lamang niya
Ay kayang-kaya niya akong durugin
Sa mga salita